ក្នុងសំណេររបស់លោកលើបណ្ដាញសង្គមហ្វេសប៊ុក បានសរសេរដូចនេះ គឺបន្ទាប់ពីកសិដ្ឋានចិញ្ចឹមជ្រូកនៅកណ្ដុរដុំ របស់លោក ចាន់ សុជាតិ ដែលជាលោកចាត់ទុកថា ជាអ្នកផ្ដល់ដំបូន្មានល្អៗជាច្រើនដល់រូបលោក បានកំពុងតែលិចលង់ដោយសារទឹកជំនន់។
សំណេរក្នុងហ្វេសប៊ុក ដែលលោកចុះផ្សាយមុននេះបន្តិចបានសរសេរថា "ខ្ញុំសុំចូលរួមចំណែកផ្ដល់មតិយោបល់អោយទៅដល់ប្រជាជនយើង ដែលមានបំណងចង់ប្រកបអាជីវកម្ម ទៅលើវិស័យចិញ្ចឹមសត្វ មុននឹងសម្រេចចិត្តបោះទុនវិនិយោគត្រូវតែចុះទៅពិនិត្យទីតាំង ដីដែលគ្រោងនឹងបង្កើតកសិដ្ឋានជាមុនសិន ត្រូវសាកសួរចាស់ព្រឹទ្ធាចារ្យនៅទីនោះ ថាតើកាលពីដប់ឆ្នាំមុនដែលមានទឹកជំនន់លិចដែរឬទេ ?”
លោកបន្តថា "បើគាត់ឆ្លើយថាធ្លាប់លិចកម្ពស់ណា យើងត្រូវតែសាងសង់អោយខ្ពស់ជានេះមួយម៉ែត្រ តែបើអាចប្ដូរទីតាំងបានជាការល្អ យើងមិនត្រូវបង្កើតកសិដ្ឋាន នៅជិតផ្លូវឬជិតភូមិប្រជាជននោះទេ បើមានចម្ងាយមួយគីឡូម៉ែត្រជាការល្អ"។
ទាក់ទងនឹងការជន់លិចកសិដ្ឋានខាងលើ លោកឧកញ៉ាបានត្រឹមតែ ចូលរួមសោកស្ដាយ និងថ្លែងអំណរគុណចំពោះម្ចាស់កសិដ្ឋាននេះ ហើយសង្ឃឹមថាទឹកនឹងឆាប់ស្រក៕
